最新文章

国际化代言人~台东县国际青年团荣耀成军
建筑如何成为「声音」?泰国声音设计师携手知名建商开启建筑的「
国外明星毛帽穿搭术,SWAG整个冬天!
冬季不戴毛帽怎幺行呢?笔者本身就是个帽子控,绝对可以说是无帽不欢的最佳代表,说到底除了运用配件替自己
主页 > 风采网络 >东华嘉年华试玩报告!4大机动游戏有几抵玩? >
东华嘉年华试玩报告!4大机动游戏有几抵玩?
浏览量:958    点赞:708    发布时间:2020-06-15    点击: 357次
今个冬天真係嘉年华嘅季节,除咗中环嘅AIA欧陆嘉年华之外,启德邮轮码头亦有九龙区代表,传说中好刺激嘅东华慈善嘉年华亦都喺今日(23/12)正式开幕喇!话就话正式开幕,但係原来仲有部分场地未set up好,连机动游戏都未到齐香港,不过好在「陀飞轮」、80米高跳楼机都已经有得玩。今次记者Mandy就继续玩命,率先试玩4大刺激机动游戏,话畀大家知到底係抵玩之选,抑或伏味甚浓。

1. 全球首次登场!360度陀飞轮($120)

陀飞轮係2015年瑞士最新研製嘅机动游戏,由3个四方框组成,向不同方向环迴立体式转动,睇见到晕晕哋。

 

刺激度:★★★★☆

离心力十足,锺意玩机动游戏嘅朋友相信会满意,而且有几秒慢动作倒吊于半空,都几刺激!

抵玩度:★★☆☆☆

玩嘅时间都几短,只係两分钟左右,但係就索价$120,虽然係全球首部,但係都略嫌有d贵。

评语:比想象中轻鬆,因为唔会撞嚟撞去,所以享受离心力嘅同时又唔会撞到好辛苦,抵讚!不过3个四方框睇嚟只係外型上嘅噱头,因为实际上外面两个四方框对刺激度并无影响,极其量都只係会令玩家眼花花晕陀陀。

2. 全球最高!27层楼跳楼机($100)

相信锺意玩机动游戏嘅大家都一定玩过跳楼机,今次呢部係全球最高,有成80米,一定要试!连畏高嘅记者都胆粗粗玩咗次,你唔係唔挑战呀?

东华嘉年华试玩报告!4大机动游戏有几抵玩?
有成80米咁高,睇见都已经脚软

刺激度:★★★★★

话晒全球最高跳楼机,当然有返咁上下离心力,想唔刺激都难!

抵玩度:★★★★☆

同主题公园嘅跳楼机唔同,呢个只会向下冲一次,唔会反覆上落,所以记住要好好珍惜嗰几秒。不过$100玩一次世界级嘅跳楼机,都唔算太贵。

评语:由于有成80米,所以升上最高处都花咗一段时间,如果够胆嘅,都可以趁机欣赏吓维港风光。另外,跳楼机嘅安全带将玩家固定得好实,感觉好安全,抵讚。不过同时亦因为太实,所以即使向下冲嘅时候都唔会成个飞起,好似硬係争咁d,冇咁刺激咁。

3.旋转版海盗船!超级摇滚($50)

呢部超级摇滚最高处有成30米咁高,而且一路摇仲会一路转,每次望到嘅角度都唔同,有时可以望住对面车卡嘅玩家,有时又可以望住附近嘅景色,都几过瘾。

东华嘉年华试玩报告!4大机动游戏有几抵玩?
摇到最高点时,仲高过水平线

刺激度:★★★★☆

摇到最高嘅时间仲高过水平线,如果转到啱角度嘅话,仲会好似成个人向下冲咁!而且最重要嘅係,虽然转嚟转去,但係由于座位唔会高速自转,所以绝对唔辛苦唔晕。

抵玩度:★★★★★★

$50呢个价钱本身已经好吸引,玩完仲要发现咁好玩,大家都话玩两次都抵呀!

评语:一睇呢部机动游戏嘅外型,以为佢又係好似「洗衣机」咁转到头都晕埋,玩完实想呕,点先玩落先发现唔晕不特止,仲好刺激,就好似一部识转嘅海盗船咁,个个都话仲好玩过陀飞轮!

4. 6层高波浪滑梯!滑唔滑到㗎?($40)

呢条旧年美国超级碗期间热爆嘅波浪滑梯,玩家可以坐喺特製毛毡上面滑落嚟。滑梯人人都玩过,但係6层高嘅你又玩过未?

东华嘉年华试玩报告!4大机动游戏有几抵玩?

刺激度:★☆☆☆☆

记者试玩嘅时候,咁啱落咗几分钟毛毛雨,令滑梯表面有水点,所以毛毡完全唔滑,几乎零刺激。

抵玩度:★★☆☆☆

本来$40喺嘉年华已经算係比较平价嘅选择,不过太受天气影响,万一畀咗钱又滑得唔顺利,就真係几唔抵。

评语:虽然记者玩得不太顺利,但係较早前稍为好天嘅时候,目测玩家们普遍顺利滑落,睇落都几好玩几刺激,所以大家记住睇清楚天气先决定玩唔玩。

Mandy短评

目前已经开放嘅机动游戏唔算多,一入场嘅时候其实都有少少失望,不过好彩玩落都算刺激,总算满足到我热爱机动游戏嘅心。建议大家都係等多一排先嚟会比较稳阵,因为除咗机动游戏之外,摊位、食物等等都未预备好晒,有唔少今日入场嘅市民都表示失望,所以都係等多一段时间,run顺咗再嚟玩啦!

提提你:今次嘉年华对机动游戏嘅安全要求颇高,长头髮记得要扎起,而拍摄器材亦都要固定喺双手,唔可以就咁拎住。

东华慈善嘉年华2015

地址:前启德机场跑道

日期:23/12/2015 – 28/3/2016

门票:$180 (包机动游戏面值 $120 及 摊位游戏面值$40 )

开放时间:23/12/2015 – 3/1/2016: 11am – 11pm ;

4/1/2016开始: 3pm – 11pm(星期一至四)、11am – 11pm (星期五六日及公众假期)

上一篇: 下一篇: